la fac
bé i a regde de temps que n'èi pas escrit suu men blòg !!!
Bon lavetz parlarèi deus mens estudis !
Donc augan que soi estudianta en purmèra annada de licéncia de Letra percors occitan a la fac de Pau, çò que vòu díser, cors de literatura francesa, de latin e d'occitan ...
Dens la classa de letra qu'èm hèra chic ... e dens la classa d'occitan enqüèra mes ( mes n'es pas un problèma ende jo)
En generau los cors son interessants, sonque un es hèra cagant, qu'es lo cors de " Navèras escrituras deu sègle XXI", dab un pròf joen fan de Céline .... mes aqueth cors es cagant sustot pr'amor que lo pròf deisha los estudiants s'exprimir sus çò que ditz, e totun es un cors magistrau, e lavetz que devèm escotar aquestes praubes petits borgés a l'accent parisenc que's prenen per de grands poètas ...
E a la fac èi agut la possibilitat de préner basco com opcion de lenga, e soi hèra motivada ende estudiar aqueste beròja lenga ... e l'aimi ja !! Que trobi ua logica dens lo basc que trobi pas dens lo latin ^^ E puish èi l'escadença d'avèr ua basca dens la mia classa de letra, soi anada a parlar dab era ( òc vau pas parlar aus paulins de la classa, mes a la sola basca òc, qu'es deu racisme aquò ^^) e era m'a perpausat de m'ajudar s'èi problèmas a compréner lo cors de basc !!
Per contra, èi la maishanta impression que lo pròf de basc sap pas arren sus l'occitan, pr'amor que quan parla de las lengas minoritaris de França dit tostemps, " lo basc, lo breton, lo còrs" e pas un sol còp l'èi entenut parlar de l'occitan ... dilhèu sap pas que se parla occitan a Pau ^^ En tot cas, quen's a balhat un papèr on escíver la nostes motivacions e tot aquò, e jo qu'èi escrit " soi occitanofòne e vòli apréner lo basc pr'amor que trobi normau d'ensajar d'apréner la lenga deus sons vesins "^^
digg it
del.icio.us
Armanhaquésa qu'ensaj d'escríver en lenga nosta suu net
Bon, alavetz, que'm hès racisme, tu, ara? lol
En tot cas, enter basco e latin, que saberàs tot çò qui cau tà compréner d'on vien lo gascon!
Ah! E demandaràs au ton professor de basco quina ei la lenga pròpia de Baiona??? ;)) (bon, dilhèu n'ei pas ua idea tan bona, finaument :-))
Tot aquò que'm sembla hòrt interessant a jo.
Quan e vengueràs a participar au chat gascon du dimars? (lo de l'auta setmana que serà lo dimècres)
Enfin, l'auta setmana: voi dir la setmana qui veng.
èi pas skype ^^ e peu moment èi pas internet a casa ... donc tà lo chat gascon serà tà un aute còp ;)
Lo basc ? As de coratge tu ! Soi plan admirativa ! :)
Aaah qu'èi lo medix problèma au licèu.
La prof qu'ei deu genre a fantasmar sus la literatura francesa, los sons grands autors, l'umanisma e tots los sons principis egalitaris e democratics (lol).
Urosament, l'anada qui vien, pas mes de cors de francés... alleloja!
Ah, tabé felicitacions: jo n'èi pas encoèra avut lo coradge de començar d'apréner lo basco!
Adiu
Li explica pas que pendent 300 o 200 annadas en luòc de l'espanhòl son los bearneses qu'an colonizat Euskal Herria ! N'auràs la pròva amb un libre d'arquius que Per Noste a publicat, es un libre escrit per Miquèu Grosclaude aprèp mantunas visitas als arquius de Vitòria. Te caldrà saber que tot estudiant basco aprend l'occitan a Baiona ; es una necessitat d'estudis.
Te caldrà tanben gaitar la volontat normativa de la reina Joana d'Albret a prepaus del basco e del bearnés, las causidas graficas son aprosmadas del latin.
Adiu, agur, demat, bon dia, ... las lengas son pas mai complicadas las unas que las autras (las uas que las autas, end'escriure en ua varianta que sembla mestrejar) las cal simplament vóler apréner.
En Russia quitament los piòts se párlan rus amb una grafia ortodòxa !
En China, etc....
Era dificultat lingüistica non èi ontologica a la lengua estudiada, mès puslhèu entà era persona qu'assaja d'apréner ua lengua.
soi plan d'acòrd dab tu, tota lenga se pòt apréner shens nat problèma ... cau sonque trobar la logica de la lenga e estar motivat !
Per aprener lo basc, i a tanben los cors de Gure Irratia en linha : http://www.gureirratia.com/gureirratia/cours.asp
Bon coratge pitit parpalhòu per tos cors !!