lo parpalhon vagamond

com en soi a apréner lo basco, qu'ensaji de l'apréner d'ua manera interactiva tanben, donc dab musica ( en hèit èi pas esperat d'apréner lo basco end' escotar musica basca ... pr'amor qu'an grops tròp tròp plan !! Hertzainak, Ken Zazpi, Berri txarrak, Su Ta Gar, Exkixu ..), donc vaqui ua polida musica deu grop Exkixu, qui s'apèra Loretxoa ( la flor)

bé i a regde de temps que n'èi pas escrit suu men blòg !!!

Bon lavetz parlarèi deus mens estudis !

Donc augan que soi estudianta en purmèra annada de licéncia de Letra percors occitan a la fac de Pau, çò que vòu díser,  cors de literatura francesa, de latin e  d'occitan ...

Dens la classa de letra qu'èm hèra chic ... e dens la classa d'occitan enqüèra mes ( mes n'es pas un problèma ende jo)

En generau los cors son interessants, sonque un es hèra cagant, qu'es lo cors de " Navèras escrituras deu sègle XXI", dab un pròf joen fan de Céline  .... mes aqueth cors es cagant sustot pr'amor que lo pròf deisha los estudiants s'exprimir sus çò que ditz, e totun es un cors magistrau, e lavetz que devèm escotar aquestes praubes petits borgés a l'accent parisenc que's prenen per de grands poètas ...

E a la fac èi agut la possibilitat de préner basco com opcion de lenga, e soi hèra motivada ende estudiar aqueste beròja lenga ... e l'aimi ja !! Que trobi ua logica dens lo basc que trobi pas dens lo latin ^^ E puish èi l'escadença d'avèr ua basca dens la mia classa de letra, soi anada a parlar dab era ( òc vau pas parlar aus paulins de la classa, mes a la sola basca òc, qu'es deu racisme aquò ^^) e era m'a perpausat de m'ajudar s'èi problèmas a compréner lo cors de basc !!

Per contra, èi la maishanta impression que lo pròf de basc sap pas arren sus l'occitan, pr'amor que quan parla de las lengas minoritaris de França dit tostemps, " lo basc, lo breton, lo còrs" e pas un sol còp l'èi entenut parlar de l'occitan ... dilhèu sap pas que se parla occitan a Pau ^^ En tot cas, quen's a balhat un papèr on escíver la nostes motivacions e tot aquò, e jo qu'èi escrit " soi occitanofòne e vòli apréner lo basc pr'amor que trobi normau d'ensajar d'apréner la lenga deus sons vesins "^^

" Le probléme en l'occurence ce n'est pas que certains veulent interdire , il est nulle part interdit de parler comme on veut, par contre dans le camp des regionalistes il y en a qui veulent obliger :

Pour ma part je n'ai qu'un seul modéle culturel , celui qui permet la critique et la remise en cause , et je pense que la notion de respect des cultures contient l'interdiction de cette remise en cause ."

Quan vedi conerias atau, èi sonque ua enveja, de tustar sus eths !!

Quins arguments vòs usar contra aquesta incultura jacobinista !!

Quan entèni un tipe de l'UMP díser quaucom atau, disi pas arren ... mes quan la mèrda qui parla ei un anarquista, que hè mau.

Que hè mau pr'amor que tà jo l'anarquisma ei  la convivència entre los diferents pòbles .... mes aici podem plan véder que la persona citada pat d'ua pensada imperialista pregonda, aprèsa a l'escòla o dens los medias franchimands  ... atau qu'ei triste de véder qu'ua persona qui se dit anarquista n'ei pas capable de's des·hèr d'idèas impausadas peu l'estat contra lo quau ei supausada lutar ... La loa ipocrisia que m'en·hastiga !!!

Ger, Magomed Yevloev proprietari d'un blòg d'informacion sus l'Ingoshetia ( http://ingushetiya.wordpress.com/) estó tuat per la policia d'Ingoshetia quan arrivè a l'aeropòrt de Nazran au vrèspe.

Lo president d'Ingoshetia, Murat Zyazikov, èra dens lo madeish avion, e a l'arrivada ordenè a la policia d'arrestar lo jornalista Magomed Yevloev, e lo botèn dens ua veitura de policia ... quauque temps après arrivè mòrt a l'espitau, dab ua bala dens lo cap.

Magomed Yevloev èra un jornaliste independentista ingoshet, volèva s'adreçar a la comunautat internacionau ende demandar ua ajuda end'obtener l'independencia de l'Ingoshetia de la Russia.Yevloev volèva tanben denonciar lo "netejatge etnica" que la Russia hèi dab lo pòble ingiush.

Un còp mei podem véder que la Russia n'a pas jamei cambiat las soas costumas anticas ... e hè pròva de barbaritat  dens las soas republicas deu Caucase.

Amadeu Casellas hè la cauma de hami desempuish 68 dias.
Qu'ei un presoèr de l'estat espanhòu ...
Aqueth òme de quaranta e ueit ans, hè la cauma de hami entà reclamar la libertat o lo tresau nivèu penitenciari.
La jutja Erika López Garcia, deu tribunal penal numero dus de Manresa denegoc, lo 18 de julhet, la demanda entà limitar la condamnacion de Casellas a vint ans.
Se's passa com dab los autes presoèrs qu'an hèit la cauma de hami, las consequencias per la santat de Caselles pòden èster irreversibles a partir de setanta dias, e la denegacion d'un jutge serà coma ua condamnacion a mòrt.

Amadeu Casellas jamei tuec degun dens la soa vita, i es en prison desempuish 22 ans.
Çò qu'a hèit ?
Que panava dens bancas ... causa correnta dens las annadas 70 entaus grops revolucionaris, e dab la moneda panada finançiavan las lutas obrèras ... ad aquesta epòca qu'estoc pròche deus de Terra Lliure e ETA .... Personas qui tanben son granas victimas deu sistema carceral ... mes com l'èi ja dit abans, au contrari deths, Amadeu jamei tuec degun ...
Imaginatz botar tots los panaires dens presons pendent ans ? Caldrà construir 100 còps mei de presons !!!

Mes Amadeu n'ei pas un presoèr normau ...

Desempuish lo 23 de junh que hè la camia de hami ... e n'ei pas la soa purmèra ....

Se n'i a qui's demandan perqué ei enqüèra en preson après tant de temps la responsa ei clara. Amadeu Casellas ei un anarquista, e com tau, n'a pas jamei acceptat la soa condicion desumanisanta de presoèr ... aquèth òmi desempuish lo dia qu'entroc en preson ei un dangèr entau injuste sistèmi carcerau ....

Lo jornau de desaubediença informativa lahaine.org l'entervistoc ( que'vs arreviri un tròç de l'entervista) :

LH: Vivimos en una sociedad cada vez más individualista, pasiva, indiferente y apática. La cárcel es un reflejo de esos cambios y tú los has vivido en gran parte desde el encierro continuado desde hace ya más de 25 años. ¿Cómo vives esa merma de compañerismo y unión dentro de la cárcel?
Amadeu: Las cárceles como bien decís son un reflejo de la sociedad y hace muchos años todos estábamos unidos y ahora no. El miedo a las represalias y las drogas tanto legales como ilegales han destruido completamente la unión y el compañerismo.
( LH : vivem dens ua societat cada còp mei individualista, passiva, indiferente e apatica. La preson ei un rebat d'aquestes cambis e tu qu'ac as viscut en grana parte de l'embarrament continú desempuish mei de 25 ans. Quin vives aquesta amendrida de camaradaria e union dens la preson ?

Amadeu : Las presons com ac dises plan son lo miralh de la societat e i a quauques annadas tots èram units e ara non. La paur de las tornas e las drògas autant legales que illegales an destrusit completament l'union e la camaradaria )

LH: ¿Realmente han cambiado mucho las cárceles en los últimos 20 años?
Amadeu: Solamente han mejorado la sanidad y la alimentación, en los demás aspectos siguen siendo autoritarias, fascistas y prepotentes como hace 30 años. Pero está todo muy bien maquillado y no dejan que salga fuera nada que vaya contra sus intereses.
( LH : An cambiat vertaderament las presons pendent los darrèrs 20 ans ?

Amadeu : sonque an melhorat l'igièna e l'alimentacion, dens los autes aspèctes contunhan estant autoritaris, fascistas e tot poderós com i a 30 ans. Mes qu'ei tot plan maquilhat e deishan que sortisque de la preson arren qu'angue contra los sons interès ).

http://paisatgedesdelafinestra.blogspot.com/

Lo bloguitge ei un malhum de blògs occitans
Cada blogaire sòci deu bloguitge bota la lista deus autes suu son blòg.

Lo nom ei estat causit en pr'amor que los felibres an lo Felibritge, e lavetz los blogaires an lo Bloguitge.

La carta ei simpla : volèm defendre e difusir la lenga occitana en l'utilizar suu net per parlar de tot.